Friday, June 5, 2009

ਗੁਜ਼ਾਰੀ ਨਾਲ਼ ਜੋ ਤੇਰੇ.....


ਗ਼ਜ਼ਲ

ਗੁਜ਼ਾਰੀ ਨਾਲ਼ ਜੋ ਤੇਰੇ, ਭੁਲਾਉਂਣੀ ਸ਼ਾਮ ਹੈ ਔਖੀ।

ਸਮਾਂ ਕੁਈ ਹਾਥ ਨਾ ਦੇਵੇ, ਲੰਘਾਉਂਣੀ ਸ਼ਾਮ ਹੈ ਔਖੀ।

----

ਨਚਾਅ ਸਕਦੇ ਹੋ ਉਂਗਲਾਂ ਤੇ, ਸਵੇਰੇ ਨੂੰ, ਦੁਪਹਿਰੇ ਨੂੰ,

ਸਿਆਣਪ ਹੈ ਨਿਰੀ ਇਸ ਵਿਚ, ਨਚਾਉਂਣੀ ਸ਼ਾਮ ਹੈ ਔਖੀ।

----

ਵਸੀਲੇ ਸੌ ਨੇ ਬਣ ਜਾਂਦੇ, ਦੁਪਹਿਰੇ ਨੂੰ ਮੁਕਾਵਣ ਦੇ,

ਜਦੋਂ ਸਾਥੀ ਵਿਛੜ ਜਾਵੇ, ਮੁਕਾਉਂਣੀ ਸ਼ਾਮ ਹੈ ਔਖੀ।

----

ਗੁਆ ਸਕਦਾ ਹਾਂ ਮੈਂ ਸਭ ਕੁਝ, ਉਦ੍ਹੇ ਇੱਕੋ ਇਸ਼ਾਰੇ ਤੇ,

ਉਡੀਕ ਉਸਦੀ ਨੂੰ ਛਡ ਕੇ ਪਰ, ਗੁਆਉਂਣੀ ਸ਼ਾਮ ਹੈ ਔਖੀ।

----

ਸਵੇਰਾ ਲੰਘ ਜਾਂਦਾ ਹੈ, ਕਦੀ ਰੋਂਦੇ, ਕਦੀ ਹਸਦੇ,

ਦੁਪਹਿਰਾ ਲੰਘਦਾ ਸੌਖਾ, ਲੰਘਾਉਂਣੀ ਸ਼ਾਮ ਹੈ ਔਖੀ।

----

ਅਜੀ! ਚੰਚਲ ਦੁਪਹਿਰੇ ਨੂੰ, ਭਲਾ ਕੀ ਫ਼ਰਕ ਪੈਂਦਾ ਹੈ?

ਨਾ ਉਂਗਲ਼ ਉਠ ਜਵੇ ਕਿਧਰੇ, ਬਚਾਉਂਣੀ ਸ਼ਾਮ ਹੈ ਔਖੀ।

----

ਦੁਪਹਿਰੇ ਵਾਂਗ ਲੱਗਣ ਦੇ, ਭਵਾਂ ਲੱਖਾਂ ਕਰੋ ਖੇਖਨ,

ਨਜ਼ਰ ਪਰ ਫਿਰ ਵੀ ਆ ਜਾਂਦੀ, ਛੁਪਾਉਂਣੀ ਸ਼ਾਮ ਹੈ ਔਖੀ।

----

ਦੁਪਹਿਰਾ ਤਾਂ ਲਿਖਾ ਸਕਦਾ ਹੈ ਅਪਣਾ ਨਾਮ ਇਸਦੇ ਨਾਂ,

ਮਗਰ ਬਾਦਲ ਦੁਪਹਿਰੇ ਦੇ ਲਿਖਾਉਂਣੀ ਸ਼ਾਮ ਹੈ ਔਖੀ।