Tuesday, March 15, 2011

ਤਰਲਿਆਂ ਦੇ ਨਾਲ਼ ਲੰਘੇ ਜ਼ਿੰਦਗੀ...

ਗ਼ਜ਼ਲ

ਤਰਲਿਆਂ ਦੇ ਨਾਲ਼ ਲੰਘੇ ਜ਼ਿੰਦਗੀ।

ਕਰ ਗਈ ਹੈ ਜ਼ਖ਼ਮ ਨੰਗੇ ਜ਼ਿੰਦਗੀ।

-----

ਕੱਲ੍ਹ ਰਾਹ ਵਿਚ ਸਿਰਫਿਰੇ ਕਲਬੂਤ ਤੋਂ,

ਰੂਹ ਦੀ ਪੌਸ਼ਾਕ ਮੰਗੇ ਜ਼ਿੰਦਗੀ।

-----

ਫ਼ੈਸਲੇ ਕੌੜੇ ਨਾ ਲੈ ਦੋਪਹਿਰ ਨੂੰ,

ਸ਼ਾਮ ਨੂੰ ਨਾ ਰੋਜ਼ ਸੰਗੇ ਜ਼ਿੰਦਗੀ।

-----

ਰੂਹ ਤੇ ਕਲਬੂਤ ਵਿਚ ਜੋ ਆ ਗਿਆ,

ਫ਼ਾਸਲਾ ਕੀਕਣ ਉਲੰਘੇ ਜ਼ਿੰਦਗੀ?

-----

ਹੋਸ਼ ਦੀ ਐਨਕ ਵੀ ਮੱਦਦ ਨਾ ਕਰੇ,

ਸੋਚ ਵਿਚ ਪੰਗੇ ਹੀ ਪੰਗੇ, ਜ਼ਿੰਦਗੀ।

-----

ਤਾਰਿਆਂ ਤਕ ਹੀ ਜੇ ਚੱਕਰ ਲੱਗ ਜੇ,

ਖ਼ਾਬ ਦਾ ਸੂਰਜ ਵੀ ਰੰਗੇ ਜ਼ਿੰਦਗੀ।

-----

ਫੁੱਲ ਦੀ ਪੱਤੀ ਤੇ ਸ਼ਬਨਮ ਕੀ ਪਈ,

ਵੇਖ ਲੀ ਸਭ ਨੇ ਮੂੰਹ-ਨੰਗੇ ਜ਼ਿੰਦਗੀ।

-----

ਹੋਰ ਸਾਰੇ ਦੁੱਖ ਹੀ ਮਨਜ਼ੂਰ ਨੇ,

ਹਿਜਰ ਦੀ ਸੂਲ਼ੀ ਨਾ ਟੰਗੇ ਜ਼ਿੰਦਗੀ।

-----

ਹੋ ਗਈ ਹੈ ਇਉਂ ਵੀ ਹਿਜਰਤ ਬਾਦਲਾ’!

ਬੁੱਤ 'ਜਗਰਾਓਂ' ਤੇ 'ਬੰਗੇ' ਜ਼ਿੰਦਗੀ।



2 comments:

Rajinderjeet said...

Zindgi de vakh-vakh rangan da sohna chitr...

daanish said...

ਤਾਰਿਆਂ ਤਕ ਹੀ ਜੇ ਚੱਕਰ ਲੱਗ ਜੇ
ਖਾਬ ਦਾ ਸੂਰਜ ਵੀ ਰੰਗੇ ਜਿੰਦਗੀ

ਇਹ ਸ਼ੇਰ ਬਹੁਤ ਪਸੰਦ ਆਈਆ
ਮੁਬਾਰਕਬਾਦ .